Bizkaiko Publizitate Ajentzien Elkartea 1996. urtean jaio zen publizitateko 30 bat enpresen eskutik, honako helburu hauekin: gure kolektiboa duindu, instituzio eta komunikabideekiko harremanak egokitu, elkarkideen lanaren kalitatea indartu, eta enpresa jaioberrientzat norabide bilakatzea.

Bizkaiko Publizitate Ajentzien Elkartean publizitate sormenaren estrategiekin zerikusia duten jarduerak garatzen dituzten enpresa guztiak sartu ahal dira, tamainu, tipologia edota bereiztasunezko maila alde batera utziz.

Horrez gain, sartzeko gai dira Bizkaiko zein Euskal Herriko beste edozein udalerrietako enpresak, hau bezalako erakunde batekin ez daudenak, eta erreferentzigune baten bila daudenak.

Azken urteotan, BPAE-k mota guztietako gorabeherak bizi izan ditu, merkatu eta sektore honetan arruntak, baina bere "kode deontologikoari" esker, helburu nagusiak lortzeaz gain, bere interesak defendatzeko tresna funtsezkoa dela erakutsi du.

Urteko fakturaketa 70 milloi euro baino gehiagokoa, eta 600 bat langilek osatutako gizakolektiboa izanez, Bizkaiko Pubilizitate Ajentzien Elkartean gure sektoreko ehuneko 80a kokatzen da, laster ehuneko 90a gainditzeko asmoz.

Talde independiente honek orekatu ahal izan ditu, alde batetik, elkarkideen arteko konpetentzia “leiala”, eta bestetik, bezero, komunikabide eta ajente sozioekonomikoekiko harremanak, Bizkaiko zein bere inguruko aurrerapen iraunkorraren aldeko apostua eginez.